Kloëte Klep

Ter iére van ôs 3x11 jaorig jubileum hebbe weej in samewerking met Brouweriej De Klep un eige tripel beer gebrouwe.

Dit speciaal beer is now verkriegbaar. Met de opbrengs steunt geej ôs 3x11 jubileum jaor waorin weej auk de Boérebroelof organisere.

fles drama vk  

Persberich: Jubilerende Joekskapel brouwt eige beer

Grubbevors: Ter gelaegenheid vân ut 3x11 jubileum haet de Grubbevorster Joekskapel Kloëte Kook ut idee opgevat um en eige beer te brouwe. Vriedaagaovend woort op enne druk bezôchte preufaovend op democratiese wiéze beslaote wie ut beer zal gaon smake.

Louis vân Stadsbrouwerie de Klep in Venlo haij en basisbrouwsel gemak en dit in twië verschillende smake verwerkt. Leeje vân de Joekskapel en verdere belangstellende môchte eur stem oétbrenge nao vân alletwië de brouwsels gepreufd te hebbe. Oéteindelijk koos de miërderheid vur smaak 1: en lig tripel beer met 7.5% alcohol. Vur ut beer woort en passend etiket ôntworpe door Sam Rutten, met daorop ut verke oét ut logo vân de Joekskapel oétgedos âs abdijmonnik en de kerk en andere Grubbevorster landmarks.

Ut beer wördt verkoch in pakkette met zes flesse vân ut brouwsel met en offiesjeel Kloëte Klep glaas en kiësplank. Dees pakkette zien vânaaf now exklusief verkriëgbaar op www.kloetekook.nl. Vânaaf november waere ze oétgeleverd, âs ut gekaoze beer gebrouwe en gebotteld is.

Deze Kloëte Klep preufaovend waar tevens de offiesjele en fiëstelikke start vân ut 3x11 jubileumseizoen. Vânwaege dit jubileum zal Kloëte Kook de Boérebroelof op Gekke Maondaag in Grubbevors organisere. De opbrengst vân de verkaup vân de eige Kloëte Klep wördt gebroék vur de organizasie vân dit evenement.


33

jaor aankloëte

4x

Zaatste Hermenie van Limburg

364

optreejes

2x

finalis LVK