Kloëte Klep

Ter iére van ôs 3x11 jaorig jubileum hebbe weej in samewerking met Brouweriej De Klep un eige tripel beer gebrouwe.

Dit speciaal beer is now verkriegbaar. Met de opbrengs steunt geej ôs 3x11 jubileum jaor waorin weej auk de Boérebroelof organisere.

fles drama vk  

3x11 en nag steeds Kloëte!

Joekskapel Kloëte Kook is opgerich in oktober 1986. De kapel is ontstaon oët vief zoegenaamde "randgroepjongeren" die in opdracht van bureau HALT iets zinnigs moste doon met euren tied, in plaats van rotzooi make in ut dorp.

Eur ierste optreeje war tiedes de Prinseresepsie in 1987 van Prins Wiel III. Ut suukses lachte de manne al snel toe. As geer gezeene gaste op idder fies in ut dòrp, traoje dees jonges met vuul plezeer op.

Daor de jaore haer hebbe de manne al verschillende hoëgtepunte meuge meijmake, zoeas deilname aan 5 TEGEN 5 beej Peter Jan Rens (1992), ut bereike van de LVK finale (2003 en 2005), naor schatting 364 optreejes en mar lifst 4 kiër Zaatste Hermeniej vân Limburg (2000, 2001, 2009 en 2014).

Taegewoordig meuge ze zich en ech "durps-ikoon" neume en zien ze nimmer weg te dinke oet ut Grubbevorster Gekkemaondaags gebeure. Met de aanwas van nieje jeugdleeje is de kapel nog lang ni “oetgekloët”.


33

jaor aankloëte

4x

Zaatste Hermenie van Limburg

364

optreejes

2x

finalis LVK